Author: Emperor of Ethiopia Haile Selassie I

አፄ ኃ/ሥ ከ1923 ዓ.ም. እስከ 1966 ዓ.ም. ድረስ ነግሠው፣ ከዙፋን ሊወርዱ ዓመት ሲቀራቸው (በ1965 ዓ.ም.) “ሕይወቴና የኢትዮጵያ እርምጃ”ን አሳትመዋል። የርእሱን ቅደም ተከተል ብንመለከት፣ “ሕይወቴ” ከ “ኢትዮጵያ እርምጃ” ይቀድማል፤ ወይም “ሕይወቴ” እና “የኢትዮጵያ እርምጃ” አይነጣጠሉም የሚል ይመስላል። የንግሣቸውም ዘመን ባልተፈጸመ ትንቢታዊ የተስፋ ቃል ተቋጭቷል፦ “ህግ ለሰው ሁሉ የበለጠ የሚጠቅም መሆኑን ማንም አይስተውም። መከበርም መጠቀምም የሚገኙት ከህግ መተካከል የተነሣ ነው። መዋረድም መጎዳትም የሚመጡት ከህግ መጓደል የተነሣ ነው። ግፍና በደልም የሚበዙት ህግ ባለመቆሙ ነው” (ም. 29፣ ገጽ 150፣ አንቀጽ 3)። ፍትሕን በምድሪቱና በሕዝቦቿ መሓል ሳያሰፍኑ፣ ንጉሠ ነገሥቱ እራሳቸው ያለ ፍትሕ ተሰናብተዋል! የፍትሕ ጥያቄ ዛሬም እንኳ የሚያረጋጋ መልስ አላገኘም!